Integratex vén de participar na formación en Atención Integral Centrada na Persoa (AICP) e en estratexias de comunicación asertiva, da man de Cristina Taboada, persoa áncora de COGAMI Empresarial.
A esta formación asistiron persoas do cadro de persoal das tendas de Allariz, Massimo Dutti e TEMPE, na que se puxeron en común técnicas para mellorar a atención ao cliente, así como medidas para propiciar un bo clima de traballo.
Durante esta acción formativa tamén se expuxeron os tips básicos sobre Discapacidade e Inclusión que levamos a cabo no noso quefacer diario, facendo fincapé en “Di, capacidades!”:
- Evitar conductas asistencialistas ou de sobreprotección
- Naturalizar a comunicación interpersoal
- Poñer o foco nas capacidades das persoas
